Abasakhulayo, ikakhulu labo abalamabhizimusi asachathulayo, bakhala ezimathonsi ngodubo lokusilela kwamagetsi, abuya ntambama abantu sebelele njengesela.
Abasakhulayo bathi bazaphuma ngobunengi besiyavotela labo abababona bezathuthukisa impilo zabo, lokubakhipha ebuyangeni abakibo okwamanje.
Lokhu kwenzakala lanxa uMongameli Emmerson Mnangagwa ehlala ekhuthaza uzulu ukuthi nguye okumele akhe ilizwe.
Inengi labasakhulayo likhala ngokuthi indawo zokuzilibazisa ezifana lenkundla zemidlalo, amaSwimming pools kanye lamaCommunity Halls, ziyasilela kakhulu emizini abahla kiyo kungaba kusemadolobheni lasemaphandleni.
Kulokuthi balolonge ubungcitshi emsebenzini abawufundelayo, abafundi abanengi bakhala ngokuthi yibo asebesebenza umsebenzi wonke okumele wenziwe yiziqatshwa kodwa bengaholiswa.
Abanye bathi leli langa liqakathekile ngoba liyisibonelo esihle sokuthi uhulumende uyakwazi ukuqakatheka kwabatsha kuntuthuko yelizwe. Kube labanye abathi akukho okokuthakazelela ngoba abasakhulayo behawula, njalo ilanga leli ngelokuvala ukwehluleka kukahulumende