Breaking News

Gibbs Dube

Produced by Gibbs Dube

Mfumfu 29, 2021
Amalunga Ebandla leZapu Athe Gwaqa koBulawayo Emhlanganweni Okuzakhethwa Umongameli Omutsha Labanye

UMnu. Sibangilizwe Nkomo, umntaka muyi uJoshua Mqabuko Nyongolo Nkomo, ukhangelelwe ukuba uzakhethwa ukuba ngumkhokheli webandla leZapu emhlanganweni owenzelwa eCentenary Park koBulawayo.
Mfumfu 28, 2021
Lokhu Bevalelwe Enkambeni Zamapholisa Abalwa Impi Yenkululeko Ababotshwe Betshengisela Emigwaqweni eHarare

Umantshi obephethe udaba lolu uthe abantu laba abangamatshumi amathathu lasitshiyagalolunye – 39 kumele babuyele emthethwandaba kusasa.
Mfumfu 27, 2021
Amalunga eMthwakazi Republic Party Atshengisela eSouth Africa Ekhonona Ngokwenzekala eZimbabwe

Banike ugwalo olumumethe izikhalazo zabo esinye seziphathamandla zenhlanganiso le esithembise ukuba bazaluthumezela inkokheli yabo eNew York kwele Melika.
Mfumfu 27, 2021
Kuyaxokozela Kubandla leMDC-T Okucatshangelwa Ukuba uMwonzora Watshontsha Imali Yebandla Leli

Sebebanengi abathi uMwonzora waqambula imali yebandla leli ngesikhathi kulungiselelwa ukhetho nyakenye lokudinga ozangena esikhundleni sikamuyi uMorgan Tsvangirai.
Mfumfu 25, 2021
Sebefuna Ukubulala uMusengezi Ozama Ukususa uMnangagwa Esikhundleni Okusemthethweni

UMusengezi uthi uhlutshwa ngabantu abanengi okwamanje abathi waphanyekelani udaba lolu emthethwandaba.
Mfumfu 24, 2021
Kuchothozwa Abatsha Abakubandla leZanu PF Abafuna uMnangagwa Aluphalele Kumbe Afele Esikhundleni

Kodwa uMnu. Mqondisi Moyo, umkhokheli webandla leMthwakazi Republic Party, uthi ibandla elibusayo ligangile.
Mfumfu 22, 2021
Umlandeli Webandla leZanu PF Ofisa uMnangagwa Asuswe Esikhundleni Uthi Wangena Ngudlu Ukuba Ngumkhokheli

UMusengezi idale leCentral Committee elangenisa uMnangagwa esikhundleni ngomnyaka ka2017 lalingelalungelo lokwenza lokhu ngoba akulandelwanga isisekelo sombuso webandla leli.
Mfumfu 22, 2021
Kuyaxokozela Kubandla leMDC-T Okulabanye Abathi uMwonzora Weba Imali Yebandla Leli

UMnu. Witness Dube, okhokhela uhlangothi olubona ngokwethulwa kwemibiko kubandla leMDC-T, uthi kulomunye njalo olandele unyawo luka Mnu. Kudzanai Mashumba, otshaywa ngabatsha bebandla leli izolo, laye othi uMwonzora weba imali yeMDC-T.
Mfumfu 21, 2021
Abalandeli Bebandla leMDC-T Batshaya Ofisa Ukuveza Ukutshaphazwa Kwemali Kubandla Leli

UMashumba, obefisa ukwethula lokhu emhlanganweni awuqoqele intathalizindaba eHarare, utshaywe engakavul’umlomo ngabatsha bebandla leMDC-T abamtshele ukuthi kalamvumo yokukhuluma angakwaziyo.
Mfumfu 18, 2021
Ibandla leZanu PF Lifuna Kwesulwe Izijeziso Zenotho Ngesikhathi Abaphikisayo Besithi Uhulumende Ukhahlameza Uzulu

UMabutho Moyo, okuhlangothi lwabatsha kubandla leZanu PF, ngomunye wabathi kumele uzulu akhankasele ukuba kwesulwe izijeziso zenotho ezafakelwa inkokheli yebandla leli.
Mfumfu 18, 2021
Zithithibele Izisebenzi Zikahulumende Ezingahlatshwanga Ijekiseni Yokuzivikela Kumkhuhlane weCOVID-19

Uhulumende uthi bazaxolelwa abanye abangakahlabi ijekiseni efunakalyo ngoba kukhona okubabambileyo ukuba benze lokhu kodwa bakhona njalo abazajeziswa.
Mfumfu 18, 2021
UGeneral Colin Powell Owakewakhokhela Uhlangothi Lukahulumende Olubona Ngokudlelana Lamanye Amazwe Kasekho

Umdeni wakhe wethule umbiko enkundleni yokuxhumana eyeFacebook othi uPowell ubulewe ngokuhambelana lomkhuhlane weCOVID-19.
Mfumfu 17, 2021
'Ababalisi Bonke Abangahlatshwanga Ijekiseni Yokuzivikela Kumkhuhlane weCOVID-19 Kumele Bahambe Emsebenzini'

UMnu. Takavafira Zhou, umkhokheli wePTUZ, uthi akukho emthethweni ukuba kuxotshwe abangahlatshwanga njalo bengabikelwanga ngemfanelo nguhulumende. Uhulumende wathi izisebenzi zonke kwakumele zihlatshwe kungakedluli mhlaka 15 ngoMfumfu.
Mfumfu 17, 2021
Isithunywa Senhlanganiso yeUnited Nations Sesifikile eZimbabwe Ukuyahlolisisa Izijeziso Zenotho

UMnu. Nick Mangwana, umabhalane omkhulu wohlangothi lukahulumende olubona ngokwethulwa kwemibiko, uthi uNkosazana Elena Dohan, obizwa ngeSilungu ngokuthi yiSpecial Envoy for Human Rights, uzakwenza izimihlangano labaphathintambo bakahulumende, amabandla atshiyeneyo lenhlanganiso ezizimeleyo.
Mfumfu 15, 2021
Crisis in Zimbabwe Coalition: Kuzakuba Lodlakela Olwesabekayo eZimbabwe Ngesikhathi Sokhetho Ngomnyaka ka2023

Inhlanganiso le iyakusola kakhulu ukukhahlanyezwa kuka Mnu. Nelson Chamisa labalandeli bakhe eMasvingo ngabacatshangelwa ukuba basekela ibandla leZanu PF ngesikhathi bama ukwenza imihlangano esabelweni lesi.
Mfumfu 14, 2021
Abacubungula Ezombusazwe Bakhuthaza Amabandla Aphikisayo Ukuba Amanyane Ngesikhathi Sokhetho

Bathi amabandla aphikisayo amanengi angeke asuse eleZanu PF embusweni ewodwa ngakho-ke kuqakathekile ukuba asebenze ndawonye.
Mfumfu 13, 2021
Abacubungula Ezombusazwe Bathi Kunzima Kakhulu Ukususa Ibandla leZanu PF Embusweni

Abanye abathandabuza okungenziwa ngamabandla aphikisayo ekususeni ibandla leZanu PF elibusayo embusweni bathi kungeke kwenzakale lokhu kuze kulungiswe indlela iZimbabwe Electoral Commission eqhuba ngayo ukhetho.
Mfumfu 11, 2021
Kulabanye Abathi Ukumanyana Kwamabandla Aphikisayo Akusoze Kuguqule Idlela Okhuqhutshwa Ngayo uKhetho

Abangafisi ukubambana lamanye amabandla bathi akusoze kuguqulwe indlela okwenziwa ngayo ukhetho amabandla aphikisayo angamanyana ngesikhathi sokhetho.
Mfumfu 11, 2021
Abalandeli Bebandla leZanu PF Bahlasela Abebandla leMDC Alliance Abahamba loChamisa

Ibandla leMDC Alliance lethule umbiko othi abalandeli bebandla leZanu PF abafika amakhulu amabili – 200 batshaye imota zabo ngamatshe njalo bavala imigwaqo besebenzisa amatshe lengatsha zezihlahla. ebezithunqa intuthu eyethusayo.
Mfumfu 10, 2021
Umtshutshisi Omkhulu Wakwele Zimbabwe Uthi Kuzabotshwa Abantu Abanengi Abathengisa Imali Emkambo Wensitha

Uthi abantu laba benza kungathengeki kahle imali emkambo wezemali ngoba selithengisa ngemali ephezulu idola leZimbabwe emkambo wensitha lapho eliziba amadola angamakhulu – 200 kudola elinye lakwele Melika.

XS

SM

MD

LG