Ababalisi bakhuthazwa ukuba baqhubekela phambili besiya emsebenzini loba uhulumende esithi uzajezisa zonke izisebenzi kusukela namuhla ezingahlatshwanga ijekiseni yokuzivikela kumkhuhlane weCOVID-19.
Uhulumende uthi bazaxolelwa abanye abangakahlabi ijekiseni efunakalyo ngoba kukhona okubabambileyo ukuba benze lokhu kodwa bakhona njalo abazajeziswa.
UMnu. Vusumuzi Mahlangu, okunhlanganiso yababalisi eyeProgressive Teachers Union of Zimbabwe, uthi ababalisi abanengi bahambile namuhla emsebenzini njengezinye izisebenzi zikahulumende.
UMahlangu uthi akumelanga uhulumende axotshe izisebenzi ezingahlathswangwa ijekiseni yokuzivikela kumkhuhlane weCOVID-19.
Kulezisebenzi ezifika inkulungwane ezingamakhulu amathathu – 300,000 ezisebenzela uhulumemende wakwele Zimbabwe.
