Abalandeli bebandla leMDC-T namuhla batshaye uMnu. Kudzanai Mashumba, owayengomunye wabavikela uNkosazana Thokozani Khupe, obefisa ukutshela abantu eZimbabwe ukuba umkhokheli webandla leli, uMnu. Douglas Mwonzora, kasebenzisi ngemfanelo imali yebandla.
UMashumba, obefisa ukwethula lokhu emhlanganweni awuqoqele intathalizindaba eHarare, utshaywe engakavul’umlomo ngabatsha bebandla leMDC-T abamtshele ukuthi kalamvumo yokukhuluma angakwaziyo.
Bathe bemtshaya bamtshela ukuba uthunywe libandla leMDC Alliance elikhokhelwa nguMnu. Nelson Chamisa.
Abatsha laba, akade bezonde began’unwabu, bamgijimise endaweni lapho abefuna ukukhuluma khona lentathelizindaba lemigwaqeni wezwakala esithi bengaze bemtshaye iqiniso yikuthi uMwonzora uqambula imali yebandla.
Kasenelisanga ukukhulula loMashumba ngodaba lolu. Kulabanye abakubandla leMDC-T abathi uMwonzora weba imali ngesikhathi kulungiselelwa umhlangano oweExtraordinary Congress nyakenye, okwakudingwa umkhokheli omutsha owayezangena esikhundleni sikamuyi uMorgan Tsvangirai.
UMwonzora wanqoba uNkosazana Khupe labanye kukhetho olwamangalisa uzulu ngedlela olwaqhutshwa ngayo.
UMnu. Witness Dube, okhokhela uhlangothi olubona ngokwethulwe kwemibiko kubandla leMDC-T, uthi uMashumba uthunywe nguChamisa labanye bakhe.
