EzeZimbabwe

Ibandla leCCC Seliqhuba Umkhankaso Wokuvimba Ukwengezwa Kombuso kaMnangagwa

  • Gibbs Dube

FILE - UMongameli Emmerson Mnangagwa, Harare, Zimbabwe, Sept. 4, 2023.

Ukubala imbono yabantu

BULAWAYO — 

Ibandla leCitizens Coalition for Change (CCC) lithi seliqalisile inhlelo zokuvimba imizamo yokwengezwa kombuso kaMongameli Emmerson Mnangagwa okuzanywa libandla leZanu PF.

Lokhu kulandela umbiko othi kulamalunga ebandla leZanu PF alungiselela ukubumba umthetho edale lephalamende ozakwenza kuguqulwe isisekelo sombuso welizwe ukuze uMnangagwa aqhubeke esembusweni isikhathi sokuphetha umbuso wakhe ngomnyaka ka2028 singafika.

Abazama ukuguqula isisekelo sombuso bafisa ukuba umbuso wakhe wengezwe ngeminyaka engedluli emihlanu. Bazama njalo ukuba amalunga edale lephalamende lawo ahlale ezikhundleni okwesikhathi esifanayo.

Kulabakucele leCCC elikhokhelwa nguSikhwicamfundo Welshman Ncube abasekela okwenziwa libandla elibusayo labanye abakuphikisayo. Bakhona njalo abakubandla leZanu PF abangafuni ukuzwa ngitsho lakancane ngodaba lolu.

Ukuhlaziye loludaba, sixoxe loMnu. Promise Mkhwananzi, isikhulumeli secele leCCC elikhokhelwa nguMnu. Jameson Timba othi selilahleke okumangalisayo ibandla leZanu PF elizama ukwengeza umbuso kaMnangagwa.

SEE ALSO:

Ingxoxo Esiyenze loMnu. Promise Mkhwananzi

Siphinde saxoxa ngodaba lolu loMnu. Joseph Tshuma okudale leCentral Committee kubandla leZanu PF othi amalunga ebandla leli elemvumo yokukhuluma akufisayo.

SEE ALSO:

Ingxoxo Esiyenze loMnu. Joseph Tshuma