Kulungiselelwa ukugcotshwa kukaMnu. Daniel chapo owebandla leFrelimo ngoLwesithathu kweleMozambique kulandela ukhetho olwaqhutshwa ngoMfumfu nyakenye.
Kuzaqhutshwa umkhosi lo ngesikhathi kusanda kubulawa abantu abayisithupha abatshengisele ngoMvulo emigwaqweni bekhonona ngempumela yokhetho, esolwa ngokubandla eliphikisayo uMnu. Venancio Mondlane othi ifrelimo yaqilibezela.
Inhlanganiso ye-Decide Electoral Platform ithi sokwabulawa abantu abedlula amakhulu amathathu selokhu kwethulwa impumela yokhetho lolu.
UMondlane owabaleka kweleMozambique wabuyela ekhaya ngeviki ephelileyo elokhu ekhonona ngempumela yokhetho.
Mhlaka 5 kuyonale inyanga umanyano weSADC wazisa ukuthi uzathumela iqula elizaphathisa kunkulumo zokukhumisana umlotha eMozambique kodwa ingcwethi zithi ukuvumela ukugcwotshwa kukaChapo iqula leli lingakaqali inkulumo lezi kumupha amandla awedlula akaMondlane kwezombusazwe.
Kusenjalo, umphathintambo wezomvikela eZimbabwe uNkosikazi Oppah Muchinguri-Kashiri usefikile kweleMozambique ukuyangena umkhosi wokugcotshwa kukaChapo emele umongameli Emmerson Mnangagwa okukhefu.
Forum