Sokulomnyaka kwaqhutshwa ukhetho olukhulu eZimbabwe olwacothozwa ngabaphikisayo, inhlanganiso yeSouthern African Development Community, eyeEuropean Union lezinye ngendlela olwenziwa ngayo.
Abaphikisayo bagoqela ibandla leCitizens Coalition for Change (CCC) elalikhokhelwa nguMnu. Nelson Chamisa lasekelwa okwethulwa zinhlanganiso lezi besithi kanqobanga ngemfanelo uMongameli Emmerson Mnangagwa lamalunga ebandla leZanu PF.
Kusukela lapho eleCCC lahluthunelwa amalunga edale lephalamende ngozithi ngunobhala jikelele webandla leli, uMnu. Sengezo Tshabangu, ebambisana loSikhwicamfundo Welshman Ncube labanye. Kuze kube namuhla akulakuhlaliseka eZimbabwe okuthunjwa njalo okubotshwa abaphikisayo labalwela ilungelo loluntu.
UMnu. Fortune Mlalazi olandela ezombusazwe uthi akuqedakali okwenzakala kulez’insuku eZimbabwe okubotshwa abaphikisayo labalwela ilungelo loluntu.
UMlalazi uphinde wathi akupheli okwenakala khonamanje kuzaqhubekela phambili.
SEE ALSO:
Ingxoxo Esiyenze loMnu. Fortune MlalaziKodwa uMnu. Partson Sibanda okubandla leZanu PF uthi uhulumende wenza okuqondileyo njalo ukubotshwa kwabaphikisayo kwenzelwa ukunqabela ubudlwangudlwangu eZimbabwe.
USibanda uthi kumele kuhlonitshwe abantu bemzini ngesikhathi besethekelela eZimbabwe ngakho-ke ababotshiweyo bazakhangelana lomthetho.
SEE ALSO:
Ingxoxo Esiyenze loMnu. Partson SibandaKusukela nyakenye kulabantu abanengi abaphikisayo okuthiwa bakhahlanyezwa nguhulumende. Bagoqela uMfundisi Tapfumaneyi Masaya owabulawa ngabacatshangelwa ukuba bandlelana lohulumende kaMnangagwa othi uzulu uhlezi kahle eZimbabwe njalo ubopha izigangi labatshotshozela udlakela.