WASHINGTON DC - Abesilisa balomlandu wokuvikela omama lamantombazana, hatshi ukubadlwengula lokubahlukuluza.
Lowo ngumbiko ovela kwabamabandla okholo lwesiKhristu ngalesisikhathi somkhankaso wokulwisana lokuhlukuluzwa kwabesifazana ezindlini, owe16 Days of Activism Against Gender Based Violence.
“Okwakuqala obaba kumele bananzelele ukuthi omama badalwa nguNkulunkulu ukwenzela ukuthi bathandwe njalo bavikelwe,” kutsho umholi wenhlanganiso yeZimbabwe Christian Alliance uMfundisi Useni Sibanda.
“Umuntu ongubaba kumbe singathi oyindoda ngokweqiniso ubonakala ngokuvikela omama engabahlukuluzi, Umlandu wabobaba yikuvikela, kungaba ngabantwana bakho, umkakho kumbe odadewenu.”
Inkuthazo le iza ngesikhathi zisanda izehlakalo zokuhlukuluzwa kwabesifazana eZimbabwe lokudlwengulwa kwabantwana, abagoqela ababili abaleminyaka eyisitshiyangalombili baba lezisu njalo bacina bebeletha.
Amapholisa athi uphenyo alwenze emangweni weMatabeleland South luveze ukuthi abesifazana esikhathini esinengi badlwengulwa yizihlobo, ngokubika kwephephandaba leChronicle.
Your browser doesn’t support HTML5
Ingxoxo loMfundisi Useni Sibanda