Ivulelwe Icala Intatheli Phezu Kodaba Lokuthi uMnangagwa 'Wadla Bayibayi' Ebalekela Izizalwane zeZimbabwe eMelika

WASHINGTON DC - Amapholisa avulele intathelizindaba yeNewZimbabwe.com uLeo Munhende icala lokudinda udaba olubikwa lwalungolwamanga olwangcolisa uMongameli Emmerson Mnangagwa.

UMunhende uthi ubizwe ngabogatsha lweCID Law and Order ngoMvulo bafika bamethesa icala leli kodwa abamvalelanga. Uhambe enkambeni legqwetha lakhe uMnu Chris Mhike.

Udaba alubotshelweyo ngolwethulwa yiNewZimbabwe.com mhlaka 21 ngoMpandula olwalusithi uMnangagwa wabalekela izizalwane zeZimbabwe ezazimelele egcekeni lendizamtshina eleJohn F. Kennedy International Airport zijonge ukutshengisela ngesikhathi elande umhlangano weUnited Nations kweleMelika.

UMunhende uyalilandula lelicala esithi ayisuye owaloba loludaba kanti njalo uthi ayisuye umhleli wenkundla yeNewZimbabwe.com.

Utshele iStudio 7 ukuthi lanxa kunjalo, isimanga yikuthi amapholisa amethese lelicala lalapho esewachasisele ukuthi akalani lokwenza laloludaba.

Embed share

Ingxoxo loLeo Munhende

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:05 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala