UFrederick Ndlovu, okunhlanhaniso yeZimbabwe Olympics Committee, uthi bazahlolisisa okwenziwe ngabadlali emidlalweni yeTokyo 2020 Olympics Games esanda kugqitshwa kwele Japan.
UNdlovu uthi bakhangelele ukuba bazaphathisana lenhlanganiso ezitshiyeneyo, amazwe ambalwa, amankampani labantu bakwele Zimbabwe ekudingeni abadlali abazakhethwa ukuba bamele eleZimbabwe emidlalweni yeParis 2024 Olympic Games.
Umdlali wegolf, uScott Vincent, ubemele eleZimbabwe elomphathintambo wezemidlalo uKirsty Coventry kanye loThabani Gonye, umkhokheli wenhlanganiso yemidlalo eyeZimbabwe.
Abanye abadlali abamele ilizwe abagoqela uDonata Katai sebesekhaya kulandela ukwehluleka kwabo ukuqhubekela phambili emidlalweni le egqitshwa ngempelaviki.
UJames Stephenson, umqeqetshi kaPeter Purcell-Gilpin obephatheka emidlaweni ye-rowing kwele Japan, ukhuluma ngakwenze emidlalweni ye2020 Tokyo Olympic Games. (Courtesy Video: Zimbabwe Olympics Committee)
UScott Vincent, obesemdlalweni we-golf emidlalweni ye2020 Tokyo Olympic Games, ukhuluma ngokwenzakale kwele Japan lapho abengqikilana khona labanye abadlali. (Courtesy Video: Zimbabwe Olympic Games)
UFrederick Ndlovu, okhokhela abadlali leziphathamandla ezidabuka eZimbabwe ezisemidlalweni yeOlympics, uthi kuyabukeka okwenziwe nguDonata Katai, uPeter Wetzlar, Peter Gilpin, Ngoni Makusha loScott Vincent.
Okwenzakala Emidlalweni ye2020 Tokyo Olympic Games : Ncwabakazi 2, 2021 #olympics2020 #olympics #voaolympics
UScott, odlale ngcono namuhla kulalokhu akwenze kunsukwana ezedluleyo, ubekutshumi lasithupha – 16 phakathi kwabadlali abangamatshumi ayisithupha – 60 emdlalweni weMen’s Individual Golf Stroke Play.
Okwenzakala Emidlalweni ye2020 Tokyo Olympic Games
UWinneth Dube, owangena emidlalweni ye2004 Athens Olympic Games, ukhuluma ngokungena umdlalo wokugijima labhekana lakho esakhula. Uxoxa loGibbs Dube langokumele kwenziwe ngabafisa ukumela eleZimbabwe emidlalweni yeOlympics. #olympics2020 #olympics #voaolympics
IZOC ithi kuyathokozisa okwenziwe nguScott, owaqala ukudlala umdlalo we-golf okuzinga eliphezulu ngomnyaka ka2015.
Ukwengezelela
