IPhasika ikhangelelwe ukuqala mhlaka 2 Mabasa lapho abafundi bazabe sebeleviki bevulile izikolo. Lokhu akubaphathi kuhle abazali abalabantwana abafunda behlala ezikolo, kuma boarding schools.
Abamabhizimusi laba bakhala ngokuthi umkambo weForeign Currency Auction Trading System awusebenzi kuhle ngakho balutshwana abathola imali yakwamanye amazwe kuthi abayitholayo bathi iyaphuza ukufika kibo.
Umqondisi wezempilakahle kukhansili yakoBulawayo udokotela Edwin Sibanda utshele uStudio 7 ukuba sebebumbe elinye iqembu lesihlanu elihamba libhoda lincedisa ukuhlaba izisebenzi koBulawayo ezingathola igcikwane lula ngenxa yemisebenzi yazo.
UMnu. Enock Dongo, umkhokheli wenhlanganiso yabongi eyeZimbabwe Nurses Association, uthi abongi abalalwazi ngomuthi lo yikho okwenza bengafuni ukuhlatshwa.
Abekhansili yakoBulawayo bathi uhlelo lolu luqhubeka kakuhle, lanxa ngoMvulo kusungulwa uhlelo lolu bekulikhefu kungakho izisebenzi zempilakahle ezinengi bezingekho emsebenzini.
"Indaba ye-vaccine leyi thina asikwazi ukuthi iyasincedisa njani. Thina sifuna ukuthi siqale sifundiswe ukuthi injani ukuthi siyithole kodwa singakafundiswa asingeke siyithole."
“Ngikhathazeke kakhulu ngendaba yama school fees okumele siwabhadale siyabhadala amaschool fees asiyali kodwa esicela ukubakwazi kuqala yikuthi siyabhadala amafees sibhadalela ama months amangaki uyathola ukuthi siyabhadala izikolo zivulwe end of March ngapha ukhiphile iUS$400."
Ezinye izikolo kazikaqali ukwamukela abantwana abalobe baphumelela imihloliso yezifundo zika Grade 7.
Amadamu akoBulawayo abikwa aselamanzi angaba yisilinganiso sokungamatshumi edlula kancane amahlanu ekhulwini (53%).
Ikomishini ekhangela ngenkohlakalo eyeZimbabwe Anti-Corruption Commission ithi isaphenya inhlanganiso lamankampani abikwa ayiwo apha incwadi ezingaqondanga ezeCovid 19 Certificates.
Abezempilakahle bathi uhlobo olutsha lobhubhane lweCorona luyamemetheka ngesiqubu esethusayo kungakho inani lababanjwa kanye labakhulelwa lubhubhane lolu liqonga.
Umuyi uLietenant General Sibusiso Moyo wayekubutho njalo wathola udumo ngesikhathi sokukhitshwa embusweni, kukamuyi owayengumongameli uRobert Mugabe ngomnyaka ka2017 enguye owazisa uzulu ukuthi ibutho laselithethe intambo zombuso ukuze kulungisiswe okwasokuwonakele elizweni.
“Thina njengamavendors sithwele nzima ngoba siyaxotshwa emigwaqweni, yebo siyavuma yilockdown kodwa lakithi impilo inzima ngoba yindlela esiphila ngayo siphila ngokuthengisa," kutsho abaphila ngokuthengisa.
“Isimo sibucayi ebantwini abanengi ngoba singabantu esizesebenzayo, ukuthi sizaphila kanjani ngoba ama shops evalile singasakwanisi ukuthi sithengise. Uhulumende ngabe uyakukhangela konke lokhu njengoba inengi lizisebenza. Amashops kawavulwe kodwa i-social distancing yenziwe."
Embikweni owethulwe ngoLwesihlanu umanisiphala wakoBulawayo wazise izakhamizi ukuthi izibi azisoze zabuthwa, zigcinwe emagumeni ngoba izisebenzi zakhe ziphakathi kokukhalala umsebenzi.
Imbhadalo le ibikhangelelwe ukuba icine ngenyanga edlulileyo ekaMpalakazi kodwa uhulumende wethule umbiko wokuqhubekela phambili esipha izisebenzi zakhe leyi mali ngoba ilizwe lokhu liphakathi kokumelana lobhubhane lolu.
Abantu abanengi bathi ngabe uhulumende umise ukulotshwa kwemihloliso phansi kwesinqumo sinye asenzileyo sokumisa ukuvulwa kwezikolo.
Ukukhuphuka lokhu kucatshangelwa ukuthi kubangelwa yikuyekethiswa kweziqondiso zeCOVID 19 elizweni, ukuvulwa kwemingcele okwenza uzulu osuka emazweni anjengeSouth Africa angene kweleZimbabwe ngobunengi ngesikhathi sekhefu leKhisimusi.
Abantu abakade bevakatshile elizweni bevela kweleSouth Africa ngekhefu leKhisimusi bakhala ngenhlawulo yokuhlolwa ukuze bathole ingwalo eziveza ukuba abala mkhuhlane i-COVID certificate, edingeka ukuba benelise ukuhamba bebuyela emsebenzini emzansi.
“Besivele sikhuluma ukuthi ukuvalwa kwedolobho lelizwe besokuvele kuphuzile ngoba besikhangela ukuthi umkhuhlane lowu sumemetheka kakhulu ngakho besokudingeka ukuthi uhulumende athathe amanyathelo ukuthi abantu baphephe."
Ukwengezelela
