Idale leHigh Court Linquma Ukuba uDouglas Mwonzora Kumele Asuke Esikhundleni Sikamongameli weMDC-T

WASHINGTON — 

Idale leHigh Court selinqume ukuba uMnu. Douglas Mwonzora kumele asuke esikhundleni sikamongameli webandla leMDC-T, ibandla leli liqhube umhlangano wokukhetha eyinye inkokheli ngoNcwabakazi lonyaka.

Umthethwandaba uthi uMwonzowa owakhethwa ngomnyaka ka2022 kungelamuntu owayencintisana laye, wenza okungekho emthethweni ngakho-ke kumele esuke esikhundleni lesi.

UMwonzowa waqala wakhethwa ngomnyaka ka2020 lapho ayencintisana khona loNkosazana Thokozane Khupe, uMnu. Elias Mudziri loMnu. Morgen Komichi.

Kwaqhamuka udlame ngesikhathi kuvotwa. Lokhu kwenza ukuba ngomnyaka ka2022 angene eyedwa kukhetho kuze kuqhutshwe umhlangano weMDC-T Extraordinary Congress.

UMnu. Den Moyo, uMudzuri, uMnu. Gift Kanjana loMnu. Edward Kakora baphanyeka udaba lokuphikisa ukuthethwa kwakhe edale leSupreme Court.

UMwonzora uthi kulesandla semfene kusinqumo esethulwe lidale leHigh Court.

SEE ALSO:

Okwethulwe NguMnu. Douglas Mwonzora

Kodwa uMnu. Den Moyo omele ibandla leMDC-T kweleMelika uthi kuqondile okwethulwe yiHigh Court.

SEE ALSO:

Ingxoxo Eziyenze LoMnu. Den Moyo

Sixoxe njalo loMnu. Believe Gaule, ilunga lebandla leZanu PF, othi kungamanga okukhulunywa nguMwonzora.

SEE ALSO:

Ingxoxo Esiyenze loMnu. Believe Gaule