Owake waba nguMongameli weMelika uMnu Donald Trump uzamiswa emthethwandaba eWashington DC ngoLwesine emini esetheswa amacala amane aphathelane lokuzama ukwalelela esikhundleni kulandela ukunqotshwa kwakhe nguMongameli Joe Biden kukhetho luka2020.
UTrump uthi uyahlukuluzwa nguhulumende kaBiden ngoba engafuni ukuthi ancintise kukhetho oluzakwenziwa ngomnyaka ozayo njalo ukhangelelwe ukuwalandula lawamacala enkantolo.
Abalandeli bakaTrump bahlasela eCongress ngodlame ngemva kokunqotshwa kwakhe bezama ukuvimba ukwamukelwa kukaBiden yiPhalamende njengoMongameli weMelika omutsha.
Abatshutshisi bathi uTrump nguye owatshotshozela loludlakela.
Olandela ezombusazwe njalo engowebandla leCCC eMelika uMnu Tim Muringai utshele iStudio 7 ukuthi ukuvulelwa kukaTrump amacala lawa kuveza sobala ukuthi umthetho uyalandelwa eMelika.
Your browser doesn’t support HTML5
Ingxoxo loMnu Tim Muringai