Ibandla leCCC Lithi 'Izikliwi zeZanu PF' Zigongode Ilunga Lalo eGlennorah Lafa

Kulomsekeli webandla eliphikisayo eleCCC ogongodwe ngabantu abanakanelwa ukuthi ngabasekeli beZanu PF wafa emzini weGlennorah, eHarare, ngoLwesine.

Ibandla leCCC lithi uTinashe Chitsunge uhlaselwe wagandwa ikhanda ngamatshe ngesikhathi esiya emhlanganweni walo wokukhankasela ukhetho elabanye abasekeli balelibandla.

Imifanekiso esenkundleni zokuxhumana iveza umufi ethe daca phansi njalo kulegazi eligelezayo elikhanya liphuma ekhanda.

Isikhulumeli samapholisa uMnu Paul Nyathi, kumbiko wakhe awethulele intathelizindaba, ukufakazile ukuthi ngempela kufe umuntu kudlakela lolu futhi uthe basaphenya.

Uhulumende yena wethule umbiko ekhuthaza abantu ukuthi batshiyane lodlakela njalo balandele inkuthazo kaMongameli Emmerson Mnangagwa eyokuthi baziphathe ngokuthula ngesikhathi sokhetho.

Isikhulumeli seCCC uNkosazana Fadzayi Mahere wethule umbiko ukusolile kakhulu ukubulawa kwelunga labo futhi esithi abenze ukudlova lobu kumele babotshwe.

Amazwi akhe agcizelelwe yisikhulumeli seCCC koBulawayo uMnu Swithern Chiroodza, yena othi ukubulawa kukaChitsunge akubamangalisi ngoba iZanu PF ivele isaziwa ngodlakela.

Embed share

Ingxoxo loMnu Swithern Chiroodza

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:00 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Isikhulumeli seZanu PF uMnu Farai Marapira utshele iStudio 7 ukuthi labo bayalusola kakhulu udlakela. Ngokunjalo, uthe ababulale ilunga leCCC kumele babotshwe.