WASHINGTON DC - Umthethwandaba kamantshi ngoLwesine wethese owake waba ngumphathintambo wendaba zezisebenzi uNkosikazi Petronella Kagonye isigwebo sokupika okweminyaka emithathu.
UKagonye ufunyanwe elecala lokutshontsha ama-comupter kahulumende angamatshumi amabili, 20, ayephiwe izikolo zeGoromonzi South lugatsha lukahulumende olwePOTRAZ.
Kodwa umantshi wesule eminye iminyaka kulesisigwebo wathi uKagonye uzadonsa umnyaka owodwa olenyanga ezine, 16 months, esejele.
UNkosikazi Kagonye, olilunga leZanu PF, ubikwa wadala lelicala esangummeli weGoromonzi South edale lephalamende.
Uba ngomunye wabake baba yiziphathamandla zikahulumende asebebotshelwe amacala enkohlakalo.
Kudaba olufanayo, ugatshsa lweZimbabwe Anti-Corruption Comisson lubophe isithunywa senkantolo yeHigh Court (Sherrif), uMnu Mcduff Madega lumethesa amacala enkohlakalo.
Isikhulumeli sikahulumende uMnu Nick Mangwana uthi ukuvalelwa kukaKagonye kuveza sobala ukuthi uhulumende uzimisele ukulwinsana lenkohlakalo.
Kodwa ingcwethi ehlaziya ezombusazwe uMnu Effie Dlela Ncube utshele iStudio 7 ukuthi ukuze inkohlakalo iphele eZimbabwe kumele kubotshwe ingqungquthela ezikuhulumende.
Your browser doesn’t support HTML5
Ingxoxo loMnu Effie Dlela Ncube