Ungcwatshiwe Umlobi Obekhuthaza Ukulondolozwa Kolimi lwesiNdebele uIsaac Mpofu

WASHINGTON DC - Umlobi obelodumo, uMnu Isaac Mpofu, yena obhubhe ngoMgqibelo, ubekwe epulazini lakhe leWarringham duzane ledolobho lakoBulawayo ngoLwesithathu.

UMpofu waloba ingwalo ezigoqela oluthi ‘Wangithembisa Lami’, ‘Akusoka Lingelasici’ lamanye amanengi. Ubhubhe eseleminyaka yokuzalwa engamatshumi ayisitshiyagalolunye, 90.

Abantu babuye ngobunengi ukuzomvalelisa bevela kundawana ezitshiyeneyo zelizwe ezigoqela koMahlabayithwale, eFilabusi, lapho adabuka khona.

Inkonzo yokumphelekezela iqhutshelwe eBrethren in Christ Church. Izikhulumi zincome imisebenzi kaMpofu ikakhulu ekulondolozeni ulimi lweSiNdebele.

UMpofu utshiye abantwana abathathu; amantombazana amabili lendodana engabonakaliyo ecatshangelwa ukuthi ikweleMelika.

Embed share

Udaba Siluphiwa nguEzra Tshisa Sibanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:02 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala