WASHINGTON DC - Ababalisi bathi bazakhalala umsebenzi kusukela mhlaka 27 kulinyanga kusiyafika mhlaka 1 kuNtulikazi bekhonona ngeholo eliphansi.
Bathi okwamanje baphakathi kokulimukisana ngaloludaba kanye lokukhuthaza ezinye izisebenzi zikahulumende ukuthi ziphatheke kuloluhlelo.
Isinqumo lesi siphume emhlanganweni wenhlanganiso ezimela ababalisi ezikumanyano weFederation of Zimbabwe Educators Union (Fozeu) oqhutshwe kunsukwana ezedluleyo.
Umkhokheli wenye yalezinhlanganiso, eyeZimbabwe National Educators Union, uMnu Morven Dube, uthi ababalisi bathethe lelinyathelo ngoba impilo isibanzimela ngenxa yeholo eliphansi elingahambelani lokukhwela kwentengo yezinto.
Umphathintambo obona ngendaba zezisebenzi, uMnu Paul Mavhima, utshele iStudio 7 ukuthi sezizaqala njalo inkulumo phakathi kukahulumende lezisebenzi zakhe phezu kodaba lweholo.
Kusenjalo, umthethwandaba weHigh Court wesule isinqumo esithethwe nguhulumende ngoMbimbitho esokuxotsha ababalisi abazinkulungwane ezinhlanu, 5,000, ebethesa icala lokwehluleka ukuya emsebenzini besithi abalamali.
UMavhima uthi uhulumende usazosikhangelisisa lesisinqumo andubana abone ukuthi athathe manyathelo bani.
