WASHINGTON DC - Amabandla aphikisayo athi uzulu weZimbabwe kumele avote ngobunengi akhiphe iZanu PF embusweni kukhetho lomnyaka ozayo ngoba isiyehlulekile.
Linkuthazo iza ngesikhathi umnotho welizwe uqhubeka utshabalala ngamandla njalo intengo yezinto ezitshiyeneyo layo ikhuphuka okungela mkhawulo.
Idola leZimbabwe liwe ngesilinganiso sokungamatshumi phose amahlanu ekhulwini, 49 percent, nxa liqathaniswa leleMelika emkambo kahulumende.
Ngeviki edluleyo emkambo kahulumende, idola leMelika elilodwa belithengwa ngamadola alikhulu lamatshumi ayisikhombisa, 173.
Kodwa kusukela liviki selithengwa ngamadola eZimbabwe angamakhulu amabili alamatshumi phose ayisithupha, 258.
Emkambo wensitha khona idola leMelika elilodwa selithengwa ngamadola eZimbabwe asukela kwangamakhulu amane, 400, kusiya phezulu.
Ngaphandle kokukhuphuka kwentengo yezinto ezigoqela ukudla lokunye, indleko zokufona lazo sezikhuphukile.
Ukuhlaziya loludaba sixoxe lelunga leZanu PF uMnu Believe Gaule lelunga leCitizens Coalition for Change (CCC) uMnu Abednico Bhebhe onguye osungula lingxoxo.
Your browser doesn’t support HTML5
Ingxoxo loMnu Abednico Bhebhe loMnu Believe Gaule