WASHINGTON DC – Imikhankaso yokhetho lwamaby-elections iya phambili endaweni ezitshiyeneyo zelizwe kulodlakela lokufuthelana okukhulu phakathi kwebandla leZanu PF leleCitizens Coalition for Change (CCC).
Lolukhetho luzakwenziwa mhlaka 26 kulinyanga.
Ibandla leCCC, lona elikhokhelwa nguMnu Nelson Chamisa, lithi udlakela lolu lumemethekiswa yizikliwi zeZanu PF kodwa abebandla elibusayo bayakulandula lokhu.
Kulomsekeli weCCC obulawe ngabantu abanakanelwa ukuthi ngabasekeli beZanu PF eKwekwe kunsukwana ezedluleyo njalo kulomunye otshiselwe umuzi. Abanengi bathi batshaywe kakubi.
Lanxa kulokufuthelana phakathi kwamabandla womabili la, amanye amabandla aphikisayo athi imikhankaso yawo ihamba kuhle.
Sixoxe lesikhulumeli sebandla leMDC-T uMnu Witness Dube endawonye lesikhulumeli sebandla leZapu uMnu Msongelwa Ndlovu onguye osungula lingxoxo.
Your browser doesn’t support HTML5
Ingxoxo loMnu Msongelwa Ndlovu loMnu Witness Dube