Izizalwane zeZimbabwe ezihlala kweleSouth Africa zitshengisele ezitaladeni ngoLwesihlanu emadolobheni ambalwa zikhuthaza ukuthi kwenziwe ukhetho olutsha elizweni lazo.
Zikhuthaze uhulumende kaMongameli Cyril Ramaphosa ukuthi atshiyane lokusekela impumela yokhetho lweZimbabwe olubikwa lungaqhutshwanga kuhle.
Ukutshengisela lokhu kuqhutshelwe emadolobheni amathathu abalisa eleCape Town, ePretoria kanye leleJohannesburg.
Ekhuluma leStudio7 omunye wabaqoqe ukutshengisela lokhu ephansi kwenhlanganiso yeProgressive Zimbabweans in South Africa uMnu Njabulo Sibanda uthe baphe uhulumende weZimbabwe insuku ezilitshumi lane ukuthi aphendule isicelo sabo.
“Sizaqhubekela phambili ngokutshengisela baze basizwe," kutsho uSibanda. "Ngemva kwensuku ezilitshumi lane sizatshengisela njalo, sesidinga ukuvala umuzi omela iZimbabwe lapha eSouth Africa. Ngemva kwalokho sizakuya eMusina siyetshengisela sivale iboarder ukuze basilalele.”
Forum