Amabandla ancintisa kukhetho oluzayo akhankasa ngamandla ezabelweni zonke sekusele insuku ezilitshumi ukuba kuqhutshwe ukhetho olukhulu eZimbabwe.
Amalunga ebandla elibusayo asabalele ilizwe lonke lapho. Ibandla leli lithembisa uzulu izulu omhlaba lingavotelwa kukhetho lolu.
UMnu. Nelson Chamisa, okhokhela ibandla leCitizens Coalition for Change, ubesesabalweni seMasvingo emhlanganweni omiswe ngamapholisa, ajike intuthu ehitshayo abantu basabalala.
UChamisa uchotoze kakhulu okwenziwe ngamapholisa amtshele ukuba isikhathi sakhe besesitshayile yena esekhuluma labantu.
UNkosazana Nonhlanhla Mlotshwa, okuhlangothi lwabakhulayo kubandla leli, uthi banengi abakubandla leli abakhahlanyezwa ngabakubandla elibusayo.
UMaMlotshwa uthi bakhathazekile abantu abanengi abafisa ukuvota ngokuthula.
Kodwa uMnu. Richard Moyo, umphathintambo wesabelo seMatabeleland North, uthi kuthule zwi eMatabeleland North.
Abantu abafika izigidi eziyisithupha bakhangelelwe ukuba bazavota kukhetho lolu.
Forum