Indlala Kwele Zimbabwe

Abantu abafika phose izigidi ezilitshumi babhekane lendlala emaphandleni lemadolobheni kwele Zimbabwe. Inhlanganiso yeWorld Food Programme ithi abantu abanengi badinga ukudla elizweni okulomnotho ogugudeka okumangalisayo.

Kudaba lolu oluqakathekileyo, umsakazo weStudio 7 uveza umonakalo odalwe yikuswelakala kwezulu osekutshiye abantu abanengi bengelakudla njalo lenkomo zibulawa yikuswelakala kwamadlelo lomanzi. Loba izulu lisina kancane kwezinye indawo okwamanje, kukhangelelwe ukuthi abantu abanengi kabasoze bavune lutho lonyaka.