Izakhamizi esixoxe lazo zithi umangoye selala eziko emakhaya ngoba zingenelisi ukuthenga ukudla ezitolo ngenxa yentengo ephezulu kuthi umumbu eziwuthola phansi kohlelo lukahulumende uphehliwe.
INtepe Community Radio Station sileminyaka elitshumi yafaka isicelo sokusakaza kuhulumende kodwa kuze kube lalamuhla ayikayiphiwa ilayisensi.
UNkosazana Zanele Nyathi uthi indlela limali eyabiwa ngawo iphiwa amakhansili idala ukuthi inhlelo zisuke emahofisini zisiya ebantwini kulokuthi uzulu atsho lokhu afisa kwenziwe.
Inkomo ezifika phose inkulungwane ezinhlanu 5000 sezifile eZansi yemaNdebeleni ngenxa yokuswelakala kwamadlelo kanye lamanzi.Lokhu kuza ngesikhathi ingcwethi zizithi ukutshisa okukhona emkhathini kulezinsuku kuzadala ukoma kwamadamu.UAlbert Ncube usipha loludaba.
Laba ngabantwana besinye isikolo eGwanda besethula inkodlo esola izijeziso zenotho ezetheswa amalunga eZanu PF ngamazwe angentshonalanga besithi sezilethe ubunzima obukhulu elizweni. Bebesemkhosini oqhutshelwe enkundleni yePhelandaba, eGwanda, ngoLwesihlanu.
Loba inengi livumelana ukuthi lezi zijeziso sezibisele muva intuthuko elizweni, uzulu uthi kungumlandu kahulumende ukuthi ahloniphe amalungelo woluntu ukuze engajeziswa ngamazwe entshonalanga.
Abesifazana abahlala emaphandleni bathi uhulumende kumele athuthukise izigaba zabo ukuze labo baphile ngokufanayo labanye babo abahlala emadolobheni.
Inengi lamantombazana emaphandleni lithi libhekane lendubo ezimbalwa ezibalisa ubandlululo kwezemfundo, ukungafinyeleli ezempilakahle, ukuhlukuluzwa kanye lokusetshenziswa bebancane.
Inhlanyelo yomumbu elesisindo samakhilogramu alitshumi 10Kg Ibiza phose amadola angamakhulu amane ZW$395 kuthi ikhuba lokulima libiza amadola angaphezulu kwenkulungwane ezinhlanu ZW$5400 ezitolo zeGwanda.
Amakhansila emaphandleni ezansi yeMaNdebeleni athi kuyadingeka ukuthi uhulumende engeze uncedo lokudla ngoba phose zonke izakhamizi sezihlaselwe yindlala.
UNkosikazi Lobukhosi Malila ukhansila kaWard 4 eStanmore uthi laloba zikhona inhlelo eziqhutshwa nguhulumende, zisuka ziphambaniseke ngenxa yokusilela kwemali.
UNkosikazi Julieth Nkiwane, owenhlanganiso yabomama eyeWomen Development Association of Zimbabwe, uthi abaziboni inhlelo eziqhutshwa nguhulumende.
Ingcwethi zezemfundo zithi ukusilela kwengwalo zokubala ezikolo ngezinye zezizatho ezidala ukuba abafundi bemaphandleni kulesisabelo bengaphumeleli ezifundweni.
Lokhu kwenziwe emkhosini owenzelwe eMawabeni eZansi yeMaNdebeleni wangenwa zinduna zangempumalanga kanye lowabekwa ukuba yiNkosi yamaNdebele uBulelani okaLobengula.
Lanxa umufi uMnu. Mugabe wathi okwenzakalayo ngalesosikhathi kwakuyikuphambana kwengqondo nje, uze waya kogoqwa nyawo engaxolisanga ngelesisehlakalo.
Isimo sesisibi kakhulu endaweni ezibalisa eGwanda South, eBulilimamangwe , eMatobo kanye lase Beit bridge lapho okubikwa sekufe inkomo ezifika phose amatshumi amahlanu.
IZimbabwe Anti-Corruption Commission (ZACC) ithi uzulu kumele amangale kuyo lasemapholiseni amacala enkohlakalo ngoba kungumlandu womuntu wonke ukulwisana lokungethembeki elizweni.
UMathema, owesiqintini seWenlock esabelweni seMatabeleland South, uthi kukhona okunuka santungwana kusigwebo esaphiwa induna yeNtabazinduna uNdiweni.
Omama abazithweleyo abamelele ukubeletha ekilinika yeSitezi bahamba umango omude besiyadinga amanzi kulandela ukufa kwenjini edonsa amanzi eminyakeni emibili edlulileyo.
Ukwengezelela
