Umkhokheli wenhlanganiso elwela amalungelo ababalisi eye-Amalgamated Rural Teachers Union of Zimbabwe, uMnu Obert Masaraure, usexotshwe umsebenzi nguhulumende.
UMasaraure ubengumbalisi esikolo seChemhanza High School esiseWedza.
Isiphathamandla sogatsha lwezemfundo eMashonaland East uNkosikazi Anatoria Ncube ulobele uMasaraure incwadi yokumxotsha umsebenzi esithi ubengasayi emsebenzini kusukisela ngomnyaka ka2019.
Kodwa yena uthi uhulumende uzama ukumisa umsebenzi wakhe owokulwela amalungelo ababalisi.
Lokhu kuza ngesikhathi inhlanganiso ayikhokhelayo yethule impumela yophenyo lwayo oluveze ukuba sesisiwa isisindo semfundo eZimbabwe njalo bathwele nzima ababalisi elizweni.
Inhlanganiso le ithi kumele kukhangelwe imbangela yalokhu okukhanya igoqela indlala ezikolo, ukwendiswa kwabantwana, iholo eliphansi lababalisi lokunye.
Isikhulumeli se-ARTUZ uMnu. Thembakuye Moyo utshele iStudio7 ukuthi lonyaka indlala iphazamisa izifundi ezinengi ikakhulu emaphandleni.
SEE ALSO: Ingxoxo loMnu Thembakuye Moyo.