Usexolisile uMnu. Simelisizwe Sibanda obengumsekeli womphathintambo wohlangothi lukahulumende olubona ngezemfundo kulandela imizamo yakhe yokufuna ukuxotshisa umbalisi okhuluma ulimi lweSiShona ofundisa abantwana abancane eClonnmore Primary School eMatabeleland North.
Sebedlephana okumangalisayo abantu ngodaba lolu enkundleni zokuxhumana kulabathi uSibanda uyitshaye ekhaleni kubelabanye njalo abathi ubambe inhlwa ngekhanda
USibanda utshele uzulu ukuba uyaxolisa ngesenzo sakhe ngoba ubona engani uluphathe kabi udaba lolu njalo seluphehle ukuxabana phakathi kwabohlobo lweSiShona laMaNdebele eZimbabwe, asehlabe umkhosi okwesikhathi eside ngababalisi abafundisa abantwana kusigaba seEarly Childhood Development bengazi ulimi lwabantu besigaba abaqhatshwe khona.
Ususwe nguMnangagwa esikhundleni othe akuqondanga akwenzileyo. Walile namuhla ukukhuluma lomsakazo weStudio 7 ngodaba lolu. Abazali lezakhamizi zalindawo zaphanyeka udaba lwazo kummeli kuye zikhala ngababalisi abangakwazi ukukhuluma iSiNdebele.
USibanda wethekelela kuleso sikolo wahle wathi umbalisi uWinnet Mharadze kahambe. Indaba yokumxotshisa umsebenzi iqale la esithi:
“Kindly transfer uteacher lowu with immediate effect siyakuzwisisa asifuni kubulawela abantwana, awulwazi uqhethu kodwa abantwana laba kufanele bebekwazi uqethu luhambisa njani nxa abantu belima emasimini.
Abazali babantwana abafunda kulesikolo eBubi bathi akubaphathi kuhle ukuthi abantwana beECD banikwe ababalisi abangakhulumi ulimi lwabo. UMnu. Mathew Shaba ngomunye wabo.
“Selike lakubona kuphi ukuthi abantwana abancani kangaka benganikweza umuntu ongakhulumi ulimi lwabo kuthwe kabafundise abantwana beECD.”
UNkosikazi Thandy Ncube laye ngumzali womntwana ofunda kulesisigaba.
“I-ministry of education is so biased awusoze umthole uteacher weSiNdebeleni ekhonale eMashonaland, awusoze and especially not in these grades that are foundation grades not ECD not umuntu ofundisa abantwana abangakabi kwazi iskhiwa.
UMnu. Moses Dlamini laye ukhala ezimathonsi.
“Uteacher ufundisani ugrade 0 yenalowu osowabuyayo ecd 1 kumbe kuthwa ecd 2 I don't even know grade 1,2,3 ufundiswa ngumuntu okhuluma isishona ekhuluma ngesikhiwa.”
Amabandla ezombusazwe lawo ayasola okwenzakeleyo. Umsekeli kamongameli weUnited Zimbabwe Alliance, uMfundisi Frank Mhlanga, uthi kubi kukhulu okwenziwa ebantwaneni.
“IConstitution ile devolution of power amalumgelo ayadingeka ukuhlonitshwa akelikhangele emazweni anjenge South Africa izigaba lezigaba kuyahlonitshwa ulimi lomunye umuntu liyahlonitshwa akula kubandlululana kuyasetshenzwisana kahle zindimi zonke isigaba ngesigaba kuba labantu abakhuluma ulimi lwaleso sigaba.”
Ozithi ungunobhala jikelele webandla leCitizens Coalition for Change njalo enguSenator eMatabeleland North egoqela iBubi, uMnu. Sengezo Tshabangu, uthi uSibanda wenze okufunwa ngabazali besikolo labanye abadabuka eMatabeleland.
“Ngilusizi kakhulu ngendaba kadeputy minister osemiswe umsebenzi nguhulumende into akade eyikhuluma yinto ebalulekileyo kakhulu ikakhulu emhlubulweni wase Matabeleland yikho lapho esinanzelela khona ukuthi abantwana bethu sebesehluleka khona ukuthi bapase isindebele ugrade 7 sizakhulumisana ke lohulumende.Induna uMathema uthi isisekelo sombuso
“Izinduna zake zibuye leagenda engeyazo agenda isikhathi esinengi iyabe ibuye lohulumende kodwa ngikhangelele ukuthi ngezinye izinto okufanele zikhulunywe zingakhulunywa kuphela ukuthi zikhulunywe nguSibanda kufanele ukuthi even lakho ephalamende kube yinto eyinye ebayi debate sibili eba yiopen debate kulandelwe constitution yelizwe ngoba constitution yelizwe section 6 ukhuluma kabanzi ngendimi zakithi kube sekubuya education policy layo iyakufakaza khonokho ukuthi umntwana omncani kufanele afundiswe ngolimi lukanina.”
Olwela amalungelo oluntu ngaphansi kwenhlanganiso ye1893 Matabeleland Human Rights Restoration Movement, uMnu. Thembani Dube, uthi kuqakathekile ukuthi amalungelo abantu ananzwe.
“Yonke imhlobo eh ifuna umuntu azi eh ulimi lwabantwababo nxa ezofundisa labo abe ngesilungu bathi abe compitent ngalwelo limi.
UMnu. Raymond Majongwe unobhala jikelele wenhlanganiso yababalisi eyeProgressive Teachers Union of Zimbabwe uthi uMnangagwa wenze kahle.
“Sethukile njengabe Progressive Teachers Union of Zimbabwe. Loba nga umphathintambo ubelensolo isenzo sakhe sibi. Ukuzibonakalisa kwakhe emphakathini ngokuxotsha umbalisi esikolo kubi. Ngethulela uMongameli Mnangagwa ngoba bengibhalile X ukuthi amxotshe.”
Isikhulumeli sohlangothi lwezemfundo uMnu. Taungana Ndoro uthi bahlolisisa ababalisi bonke bengakahanjiswa ezabelweni zonUnobhala omkhulu kugatsha lwezemfundo yaphansi uTumisang Thabela walile ukukhuluma leStudio 7 kodwa watshela iphephandaba leChronicle ukuthi abantwana bonke be-primary school ikakhulu iECD kumele befundiswe ngababalisi abazi ulimi lwabo.
Forum