Intathelizindaba sezisole kakhulu ukwaliswa kwazo ukungena emihlanganweni ezaqhutshwa yizinduna labantu abathintwa kubi ngumbhuqazwe weGukurahundi njalo zithi zizakuyaphikisa isinqumo lesi emthethwandaba.
Umkhokheli wogatsha lwezinduna olweChiefs Council uMnu Mtshana Khumalo, utshele utshele iStudio 7 ngoLwesine ukuthi intathelizindaba zizatshelwa kuphela okuyabe kukhulunywe ngabantu emihlanganweni le nxa isiphelile.
Kodwa intathelizindaba labalwela amalungelo oluntu bathi uhulumende uzama ukufihla iqiniso elizakhulunywa ngabantu kulimihlangano.
Izinduna zaphiwa umlandu wokulungisisa udaba lweGukurahundi nguMongameli Emmerson Mnangagwa njalo zithi zizaqala loluhlelo eMatabeleland phakathi kwenyanga ezintathu zokusungulwa kuka2024.
Umkhokheli wenhlanganiso yentathelizindaba eyeYoung Journalists Association uLeo Munhende utshele iStudio 7 ukuthi bazasiphikisa enkantolo isinqumo sezinduna, esithi nxa kungelalutho olufihlwayo nguhulumende intatheli kumele zivunyelwe ukungena kulimihlangano.
Your browser doesn’t support HTML5
Ingxoxo loLeo Munhende