Imuli zezizalwane zeZimbabwe ezabulawa eDiepsloot kweleSouth Africa kumaviki amabili edluleyo zithi azikwazi ukuthi izihlobo zazo, uMnu Felix Nkomo loMnu Talent Moyo, bazabekwa nini.
Akukaziwa ukuthi izidumbu zabo zizathwalelwa eZimbabwe nini njengoba kusamelelwe impumela yophenyo lweDNA.
Ababili laba bagondodwa ngamatshe yizizalwane zakweleSouth Africa batshiswa ngamathaya ndawonye labanye abahlanu besetheswa umlandu wokuba ngamasela kunsukwana ezedluleyo, okuyinto abafe beyilanduna besithi babesendleleni besiya enkonzweni yebandla labo le-Imisebenzi Yamapostoli Church.
Umalume kaNkomo uMnu Roy Luphahla utshele iStudio 7 ukuthi imuli yakhe ilahlekelwe kakhulu. Wengeze wathi okuzwisa ubuhlungu yikuba balokhu bengakangcwabi isihlobo sabo ngemva kwamaviki amabili.
Your browser doesn’t support HTML5
Ingxoxo loMnu Roy Luphahla.
Isikhulumeli semuli kaMoyo, uMnu Cleo Marko yena uthe abantu babuthene eKezi njalo uthe ukuthenga ukudla sekubanzimela.
Your browser doesn’t support HTML5
Ingxoxo loMnu Cleo Marko.