Abaculi beZimbabwe sebeveze ukudana okukhulu ngokubhubha komculi waseSouth Africa obedume emhlabeni wonke jikelele njalo angumlingisi uMbongeni Ngema, yena ofele engozini yemota evela emfeni KwaZulu Natal ngoLwesithathu.
UNgema waduma ngengoma ezitshiyeneyo kanye lefilimu yakhe eyayichothoza ukubandlululwa kwabantu abansundu ngabamhlophe kweleSouth Africa elesihloko esithi Sarafina.
Ezinye ingoma zakhe ezadla ubhedu zigoqela ethi 'Woza My Fohloza,' 'Stimela saseZola,' 'Safa Saphela Isizwe,' 'Lizobuya' kanye lethi 'My Baby.'
Imbongi yeZimbabwe elodumo njalo engumeli weNkulumane edale lePhalamende uMnu Desire Moyo, olilunga leCCC, ozibiza ngokuthi Desire Moyoxide kwezomculo, uthi kunengi okufundwe ngabaculi beZimbabwe kuNgema.
Your browser doesn’t support HTML5
Udaba Siluphiwa nguNtungamili Nkomo