Amapholisa athi kulabantu abathathu ababhubhele engozini yemota emgwaqweni osuka eHarare usiya eChirundu ngoLwesine ngemva kokubhewuka kwe-khombi ebizama ukudlula enye imota ngesiqubu.
Isikhulumeli samapholisa uMnu Paul Nyathi uthi kulimale abantu abahlanu kulingozi njalo bathwalelwe esibhedlela seChinhoyi Provincial Hospital.
Lokhu kutsho ukuthi inani labantu asebefele engozini zomgwaqo ngaleli khefu leKhisimusi kusukela mhlaka 15 Mpalakazi selifike kumatshumi ayisitshiyagalolunye, 90.
Kusenjalo, amapholisa ethule amagama abantu ababhubhele engozini yokungqikilana kwebhasi, i-roli leMercedes Benz eMarondera ngoLwesithathu.
Abantu laba babalisa umntwana oleminyaka yokuzalwa eyisikhombisa, 7, uKunaishe Madyira, uDudzai Teta, Sandukai Kamuriwo loRudo Chinyakobvu.
Igama lowesihlanu, ongowesilisa, alikatholakali ngoba izihlobo zakhe azikezi phambili.
Forum