Odokotela abelapha ilunga leCCC elingumeli wabatsha ePhalamende uMnu Takudzwa Ngadziore sebethumele igazi lakhe kweleSouth Africa ukuze liyehlolwa ukuthi ijekiseni ayihlatshwe ngabantu abamthumbe izolo ngeyani.
Lokhu kuvezwe ngumndeni wakhe. UNgadziore uthunjwe ngabantu ekade behlome ngemibhobho yohlobo lwama-AK 47 abanakanelwa ukuthi ngamaCIO bamtshaya kakubi.
Okwamanje ulokhe elaliswe kwesinye isibhedlela eHarare.
Kumbiko awethule izolo ntambama, uNgadziore uthe lanxa ehlukuluzwe ngalindlela, uzaqhubeka elwela umbuso okhululekileyo eZimbabwe.
Your browser doesn’t support HTML5
Amazwi kaMnu Takudzwa Ngadziore
Isikhulumeli samapholisa uMnu Paul Nyathi uthi abazi lutho ngaloludaba kanti labebandla leZanu PF labo bathi abala ndima abayidlalileyo.
Kodwa isiphathamandla senhlanganiso elwela amalungelo oluntu eyeIbhetshu Likazulu uMnu Mbuso Fuzwayo uthi kusobala ukuthi uNgadziore uthunjwe nguhulumende, yena athi ulembali yokuthumba abantu abagoqela uMnu Itai Dzamaya owanyamalala ngo2015 njalo olokhe engaziwa ukuthi watshonaphi.
Your browser doesn’t support HTML5
Ingxoxo loMnu Mbuso Fuzwayo