UMongameli Emmerson Mnangagwa ngoLwesithathu ukhuthaze amakhansili elizweni lonke ukuthi asebenze gadalala ukuze kwenqatshelwe imikhuhlane efana lesihudo seCholera leTyphoid njalo uthe amakhansila kumele atshiyane lemisebenzi yenkohlakalo.
UMnangagwa wethule amazwi la emhlanganweni wabomasipala oqhutshelwe edolobheni leHarare ongenwe ngamakhansila elizwe lonke, lapho asungule khona umhlahlandlela omele ulandelwe ngamakhansila obizwa ngokuthi “Call to Action, No Compromise on Service Delivery.”
Amazwi kaMnangagwa aza ngesikhathi ilizwe libhekane lomkhuhlane weCholera wona osubulele abantu abalikhulu elilamatshumi amabili lanhlanu, 125.
Isiphathamandla senhlanganiso yeBulawayo Progressive Residents Association uMnu Thembelani Dube utshele iStudio 7 ukuthi ngempela kubalulekile ukuba amakhansila atshiyane lenkohlakalo njalo asebenzele uzulu.
Forum