UMongameli weMelika uMnu Joe Biden usethule amabizo amalunga ekhomithi ayibumbe nyakenye ngenjongo yokuqinisa ubudlelwano phakathi kweleMelika lamazwe asezwekazi leAfrica ngokukhulumisana lenzalo yeAfrica eseMelika.
Ikhomithi le, ebizwa ngokuthi yiAdvisory Council on African Diaspora Engagement, ilamalunga alitshumi lambili agoqela ingcwethi kwezemfundo, kwezamabhizimusi, kwezemidlalo kanye labenhlanganiso ezizimeleyo.
Umgcinisihlalo wayo ngumfundisi, uReverend Silvester Scott Beaman.
UMongameli Biden uthi likhomithi ngeyokukhulumisana labadabuka eAfrica abahlala eMelika njalo izacebisa uhulumende wakhe phezu kokuthi engaqinisa njani ubudlelwano beMelika lezwekazi leAfrica.
UBiden ubumber i-Advisory Council le nyakenye ngesikhathi ehlangana labakhokheli bamazwe eAfrica, eWashington DC, emhlanganweni weU.S.-Africa Leaders’ Summit.
Imizamo yeMelika yokuqinisa ubudlelwano bayo lamazwe aseAfrica ibuya ngesikhathi eleRussia leleChina lawo esegxile impande emazweni amanengi eAfrica ikahulu kunhlelo zomnotho ezigoqela ukwemba amatshe aligugu afana legolide ledayimana.
Olandela okjwenzakala kwezombusazwe elizweni laseMelika njalo elilunga leCCC uMnu Tim Muringai uthi kuqakathekile ukuthi uhulumende kaBiden aqinise ubudlelwano belizwe lakhe leAfrica.
Your browser doesn’t support HTML5
Ingxoxo loMnu Tim Muringai