Abafundi bakaGrade 7 baqale ukuloba imihloliso yabo ngoMvulo ababalisi bekhala ngokuthi labo abababhalisayo, ama-invigilators, kumele babhadalwe njengababalisi abamakayo.
Bathi njalo abafundi abatholanga isikhathi esaneleyo sokulungiselela limihloliso njengoba besanda kuvula izikolo.
Ugatsha lwezemfundo lwethule umbiko lufisela abafundi inhlanhla. Ibandla leCCC lalo lenze okufanayo njalo lathembisa ukuthi lingangena embusweni abantwana bazafunda ngaphandle kwembadalo.
Isikhulumeli senhlanganiso emela ababalisi bemaphandleni eyeAmalgamated Rural Teachers Union of Zimbabwe (ARTUZ) uMnu Thembakuye Moyo utshele iStudio 7 ukuthi sokulesikhathi eside bezama ukukhulumisana lohulumende ngodaba lwama-invigilators kodwa lanamuhla lokhu akulalutho oluphumayo.
Your browser doesn’t support HTML5
Ingxoxo loMnu Thembakuye Moyo
Isikhulumeli sogatsha lweZimzec uNkosikazi Nicky Dlamini ubengabambeki ecingweni.