EzeZimbabwe

'Ukukhwela Kwezinto Kuzabangela Ukuthi Abazali Behluleke Ukuthengela Abantwababo Indingeko Zesikolo'

  • Ntungamili Nkomo

FILE - Pupils attend a class at a school in Harare, Sept, 28, 2020. This school year, Zimbabwe in-person classes resumed the week of August 30, 2021, but thousands of teachers are on strike.

WASHINGTON DC - Inhlanganiso ezimela abathengi zithi ukukhwela mahlayana kwentengo yempahla ezitshiyeneyo ezigoqela amayunifomu lokudla kuzabangela ukuthi abazali abanengi behluleke ukuthengela abantwababo indingeko zesikolo ekuvulweni kwazo ngoMvulo.

Ngaphandle kokukhuphula intengo, izitolo ezinengi sezithengisa impahla efunwa ngabafundi ngedola laseMelika kuphela, ngokubika kwephephandaba leNewsDay.

Isikhulumeli senhlanganiso emela abathengi eyeConsumer Council of Zimbabwe (CCZ) sitshele iphephandaba leli njalo ukuthi ukukhwela kwentengo yesinkwa isuka kumadula aseZimbabwe angamakhulu ayisitshiyangalombili, Z$860, isiya kunkulungwane elamakhulu ayisitshiyangalombili, Z$1,800 sokutshiye izimuli ezinengi zisidla imbuya ngoluthi.

Isikhulumeli senje njalo inhlanganiso yabathengi eyeNational Consumer Rights Association (NACORA), uMnu Effie Dlela Ncube, uthi abazali abanengi abasoze benelise ukuthengela abantwana zonke indingeko zesikolo ngoba bevele bethwele nzima ngokubhidlika komnotho.

Your browser doesn’t support HTML5

Ingxoxo loMnu Effie Dlela Ncube