WASHINGTON DC - Inhlanganiso elwela amalungelo oluntu eyeMatabeleland Institure for Human Rights ithi ukusilela kwamandla kagetsi elizweni sokufaka abesifazana lamantombazana engozini yokudlwengulwa nxa betheza inkuni zokubasa umlilo egangeni.
Isiphathamandla salinhlanganiso uMnu Khumbulani Maphosa utshele iStudio 7 ukuthi ukudingisisa abakwenza emalokitshini edolobheni lakoBulawayo kuveze ukuthi abesifazana laba bangena emahlathini, lapho abangavikelekanga khona, bedinga inkuni.
Your browser doesn’t support HTML5
Ingxoxo loMnu Khumbulani Maphosa
Uhulumende uthi uphakathi kwemizamo yokulungisisa uhlupho lwamagetsi lolu, egoqela ukuvuselela izititshi zokuwaphehla eKariba laseHwange kanye lokuvumela amankampani azimeleyo ukuthi angene kulumsebenzi.