WASHINGTON DC - EleSenegal libe liqembu laseAfrica lakuqala eselidlulele kusigaba sesigumula kumidlalo yeFIFA World Cup ngemva kokunqoba iEcuador nge 2-1 ngoLwesibili.
Amanye amaqembu asefinyelele kulesisigaba abalisa iFrance, Brazil, Portugal, Netherlands, USA, leEngland.
Umbuzo omkhulu ngothi amanye amaqembu aseAfrica afana leGhana leMorocco angenelisa yini ukulandela umzekeliso weSenegal.
NgoLwesithathu iTunisia izadlala leFrance, iDenmark izangqikilana leAustralia, iArgentina izabhuqana lePoland kuthi iSaudi Arabia yona idibane leMexico.
Intathelizindaba yezemidlalo uJaphet Ngqwele Dube uthi uzulu weAfrica ujabulile kakhulu ngokunqoba kweSenegal.
“I-Senegal isenzele kuhle kakhulu. Besingacabangeli ukuthi ingatshaya iEcuador ngendlela eyitshaye ngayo… Esikuthakazelelayo yikuthi bakwanisile ukuhlohla,” kutsho uNgqwele ekhuluma leStudio 7.
“Ngibona bezaqhubeka, bengafika laku-semi final, ngijabulela ukuthi umqeqetshi wabo uAliou Cisse, sokulesikhathi eside belaye, and u-coach wabo lowu ngilethemba usefundile okunengi.”
Your browser doesn’t support HTML5
Ingxoxo loJaphet Ngqwele Dube