Kumncintiswano wemidlalo yenguqu eyeWorld Cup eQatar amaqembu amakhulu abhuqwa ngamaqembu amancane.
IMorroco ngeyakuqala kumaqembu ezwekazi leAfrica ukunqoba kulimdlalo ngemva kokunqoba iqembu leBelgium 2 ka zero ngeSonto.
Namuhla emini eleGhana lalo linqobe eleSouth Korea 3-2.
yamukelwa ngenjabulo enkulu ngabeZimbabwe, inengi lisithi lokhu kwenza babe lesikhathi eside bebhlezi lemuli zabo bezilibazisa bendawonye bebukele imidlalo le kumabonakude.
Omunye osetshona endlini lemuli yakhe nguModern Ngwenya, owayengumsekeli kamgcinisihlalo weqembu lenguqu eleHighlanders.
"Inguqu le okuthwa yi World cup sisihlanganisile thina njenge muli yazi umuntu waye hamba etshiya umfazi esiyale khathesi ngkhona lemuli yethu labantwabethu uzabona igame ekade I mnandi kakhulu eye Germany le Spain abadla le kuhle kakhulu basitshengisile nje uzulu wonke emhlabeni ukuthi hayi ngabanikazi bebhora labana. I-Morroco yona kade ingela mabizo amanengi abantu esibaziyo abadla layo e Africa kodwa idlale kuhle kakhulu."
UBrighton Moyo uthab’umanzi ngemva kokunqoba kweqembu leGhana 3 ka 2 lisidla eleSouth Korea.
"Aaa sengijabule sengijabule kakhulu bakithi iGhana iwinile sengijabule kakhulu lathi eAfrica kuyakhaya ukuthi siyaphumelela yo hayi ngijabullile kakhulu shuwa. IMorroco nayo iwinile layo isingenile of which siyaqhubeka siyaphambili kukhanya kumnandi sibili.
Amaqembu amakhulu kwezenguqu segenqulwe ngamaqembu amancane kulimdlalo osokumangalise abantu abanengi.
UOmega Sibanda, ingcwethi ecubungula ezemidlalo, uthi amaqembu amancane adlallisa abafana abancane yikho benqoba.
"Kutshintshile ngoba ama team lawa okwakuthwa mancane amazwe yiwo adlala okumangalisayo ungakhangela I Saudi Arabia ilabafana abancane and abakaze babuye ku world cup abakhotshwa ngu coach owa coacher e Africa uRena owa coacher iZambia yathathi Afcon wacoacher le Codevour ungakhangela khonokho ukuthi zi performer njani oUSA o Argentina labo Belgium labo Germany ngoku bona kwami ngibona ngani bayehlulekile kakhulu ngoba lokhe besebenzisa ama players ama dala lokho u kuthwa ngama dolo kasavumi ukuthi badlali bhora bayehluleka."
USabelo Sibindi, unompembe wakuqala wesifazane oweZimbabwe owemidlalo yenguqu eyePremier Soccer League, ubonga iFifa ngokukhetha okwakuqala abesifazane ukuthi batshaye impembe kumidlalo le eyeQatar.
"Kuyabongakala sibili sesikubonile iFifa isizamile ukuthi ithi ibise omama labo babekhona kuleyi istage siyakubongela kakhulu kodwa sithi nga kuyenzeka sibone omama abanengi labo bephiwa ithuba lokuba babe kuleso stage sesibabonile onompembe bangkhona kodwa sithi bangenza ngcono kulalokho abankwenzayo abanye bakhona bangenza ngcono iFifa iyenze ukuthi onompembe babeconsistent."
Lanxa imidlalo ijabulisa uzulu, inengi aliyenelisi ukuyibukela ngenxa kokusilela kwamandla kagesi ahambayo ngezinye izikhathi abantu bephakathi kokubuela, i-load shedding.
UMbekezeli Masuku uthi uzwa ubuhlungu engaboni ibhola.
"Amagetsi ayahamba kakhulu ikakhulu nje ngathi eMagwegwe ngapha vele ahle ahambe ekuseni senzo okoku bukela ibhora kwesinye iskhathi e town kumbe e Bhawa nxa I generator ilayithiwe lakho vele akuchazii ibhora limnandi wena uzibukelela endlini."
Elinye iqembu leAfrica iCameroon yenze 3 ka 3 lele Serbia, kwathi iGhana yathaphuza iSouth Korea 3 2 kukanti iBrazil zidibene leSwitzerland umdlalo susiya emapethelweni, namuhla ngo 9 ntambama ePortugal ingikilana leUruguay.