WASHINGTON DC - Udaba lokudlwengulwa kwabesifazana eZimbabwe lusemilonyeni kazulu ngemva kwezehlakalo zokuzithwala kwabantwana abaleminyaka ephansi kwelitshumi.
Lokhu kwenzakala ngalesisikhathi somkhankaso we16 Days of Activism Against Gender-Based Violence oqhutshwa emhlabeni jikelele.
Udubo lokwendiswa kwabantwana lokuhlukuluzwa kwabesifazana mahlayana ngabesilisa ngendlela ezitshiyeneyo ezindlini lalo lubhahile eZimbabwe.
Igqwetha uMnu Nqobani Sithole uthi uzulu kumele ebambane alwisane lalimikhuba.
"Abantu bengathatha istand- against ukuhlukuluzwa kwabomama, izehlakalo lezi zizakuya zisehla. Omama kumele bakhulume nxa behlukuluziwe, bekele ukikhipha amacala emthethwandaba,” kutsho uSithole ekhuluma leStudio 7.
“Ama-courts kumele abe-serious ngodaba lweGender-Based Violence lolu, kumele kubunjwe imithethwandaba ekhangelane laloludaba.”
Your browser doesn’t support HTML5
Ingxoxo loMnu Nqobani Sithole