GWANDA SOUTH - Umsakazo weNtepe-Manama Community Radio Station uvulwe ngokusemthwethweni ngumphathintambo kahulumende obona ngokwethulwa kwemibiko uNkosikazi Monica Mutsvangwa ngoLwesihlanu.
Uzulu oxoxe leStudio 7 wamukele ngenjabulo kwalumsakazo esithi uzasiza kakhulu ekuhambiseni imbiko ephuthumayo kulumango.
Umsakazo weNtepe-Manama Community Radio Station ngomunye wemisakazo yezigaba eyisitshiyangalombili eyaphiwa imvumo yokusakaza lugatsha lweBroadcasting Authority of Zimbabwe emangweni weMatabeleland.
Eminye imisakazo ibalisa iRadio Bukalanga esePlumtree, Matobo Community Radio Trust eseMaphisa, iTwasumbuka Community Radio Trust eseBinga, Ingqanga FM eseMbembesi, iShashe community radio kanye lomsakazo weLyeja Nyayi. Eminengi yalimisakazo iphakathi kokulungiselela ukuqala umsebenzi.
Umphathintambo obona ngokwethulwa kwemibiko uNkosikazi Monica Mutsvangwa uvule umsakazo weNtepe-Manama Community Radio ngokusemthethweni ngoLwesihlanu.
Isiphathamandla seNtephe uMnu Nyakalo Makhurane uthe kuyabathokozisa kakhulu ukuthi uzulu weGwanda South sethole indlela yokukhulumisana ngendaba ezitshiyeneyo eziphatha lesisigaba.
Amazwi akhe asekelwe yinduna yeGaranyemba uMnu Jefrey Ndlovu Nhlamba yena othi sebezahlala besazi okwenzakalayo esigabeni sabo.
Umsakazi weNtepe-Manama Community Radio Station ese-studio.
Ekhuluma laye emkhosini lo uNkosikazi Mutsvangwa uthe uhulumende kaMongameli Emmerson Mnangagwa uzimisele ukuvula eminye imisakazo ukuze uzulu athole ukuxoxisana ngendubo abhekane lazo.
Umsakazo weNtepe Manama Community Radio Station uthole ilicense yokusakazo ngomnyaka ka2020 njalo ngowakuqala ukuthi uqsakaze. Uzaqhuba indlelo zawo kakhulu ngesiSotho.
Your browser doesn’t support HTML5
Udaba Siluphiwa nguAlbert Ncube