EzeZimbabwe

Uphenyo lweAfrobarometer Oluthi Inengi Liyamethemba uMnangagwa Luphehla Ukuphikisana

  • Ntungamili Nkomo

FILE - President of Zimbabwe Emmerson Mnangagwa arrives to attend the opening ceremony of the 35th ordinary session of the Assembly of the African Union at the African Union Commission (AUC) headquarters in Addis Ababa, Ethiopia. February 5, 2022.

WASHINGTON DC - Uphenyo olwenziwe yinhlanganiso yeAfrobarometer oluveze ukuthi abantu abayisilinganiso samatshumi amahlanu lanye ekhulwini, 51 percent, bathi bayamethemba uMongameli Emmerson Mnangagwa, soluphehle inkulumompikiswano.

Kodwa loluphenyo luthi njalo isilinganiso sabangamatshumi ayisikhombisa lambili, 72 percent, sithi ilizwe lisendleleni engayisiyo.

Lufumane njalo ukuthi abantu abasekela ibandla leZanu PF baku44 percent kuthi abasekela iCitizens Coalition for Change (CCC) - yona ekhokhelwa nguMnu Nelson Chamisa - baku42 percent.

Inengi lithi kalisuthiseki njalo ngendlela uhulumende aphethe ngayo umnotho.

AbeZanu PF labeCCC bathi lanxa kukhona abavumelana lakho kuloluphenyo, okunye abavumelani lakho.

Ukuhlaziya loludaba sixoxe lelunga leCCC uMnu Abednico Bhebhe kanye lelunga leZanu PF uMnu Joseph Tshuma onguye osungula lingxoxo.

Your browser doesn’t support HTML5

Ingxoxo loMnu Joseph Tshuma loMnu Abednico Bhebhe