WASHINGTON DC - Uhulumende ngoLwesibili wesule umthetho ofakwe nguMongameli Emmerson Mnangagwa kunsukwana ezedluleyo obuvimba amabhanga ukukweledisa abantu lamankampani izimali.
Lumthetho usolwe kakhulu ngabanengi ngoba udale ukuthi amanye amabhizimusi avale inhlelo zokuthengisela uzulu ngezikwelede.
Ubangele njalo ukuthi amabhizimusi akhuphule intengo.
Usibalukhulu weReserve Bank of Zimbabwe (RBZ) uMnu John Mangudya wethule umbiko othi lanxa usususiwe lumlayo, ulokhe uphatha amankampani asacutshungulwa lugatsha lweFinancial Intelligence Unit (FSU) phezu kwamacala aphathelane lokutshaphazwa kwemali.
Lanxa abanengi bekwamukele ngenjabulo ukwesulwa komthetho lo, isiphathamandla senhlanganiso emela abathengi, iNational Consumer Rights Association (NACORA,) uMnu Effie Dlela Ncube utshele iStudio 7 ukuthi umonakalo owudalilayo mkhulu kakhulu.
Your browser doesn’t support HTML5
Ingxoxo loMnu Effie Dlela Ncube
Usomabhizimusi olilunga leZanu PF uMnu Joseph Tshuma laye utshele lumsakazo ukuthi uhulumende ubevele ephambanisile ngokwethula lumthetho.
Your browser doesn’t support HTML5
Ingxoxo loMnu Joseph Tshuma