WASHINGTON DC - Unobhala obona ngobudlelwano beMelika lamanye amazwe uMnu Antony Blinken usebanjwe umkhuhlane weCovid-19.
Lokhu kwaziswe yihofisi yakhe izolo.
UMnu Blinken uphatheke emcimbini weWhite House Correspondents’ Dinner ongenwe ngamakhulu abantu abagoqela uMongameli Joe Biden, osaziwayo abasebenza kuhlangothi lokulibazisa uzulu kanye lentathelizindaba ngoMgqibelo.
Umahlekisa odabuka kweleSouth Africa owayelawulalumcimbi uMnu Trevor Noah wakhuluma ehlekisa nje abantu kulumcimbi esithi wawulakho ukubangela ukumemetheka kweCovid-19.
Kubikwa kulabanye abaphatheke kulumcimbi labo asebebanjwe lumkhuhlane.
Umsekeli kaBiden uNkosikazi Kamala Harris laye ubanjwe i-coronavirus kunsukwana ezedluleyo, kodwa ubikwa esesilile.
Isizalwane seZimbabwe esihlala eMelika njalo sihlaziya ezombusazwe uMnu Den Moyo utshle iStudio 7 ukuthi lanxa ubukhali balumkhuhlane sobuthundubezwe ngamajekiseni, abantu kusamele baqaphele ngoba ulokhe uyingozi.
Your browser doesn’t support HTML5
Ingxoxo loMnu Den Moyo