Kube loludlephana ngeSonto endaweni yokuvalelisa abadlula emhlabeni eNyaradzo Funeral phakathi kwamapholisa labemuli kaDetective Constable Cassandra Hove owadutshulwa ngelinye ipholisa lesifazane watshona ngesikhathi bexotshanisana lezigebengu ngoLwesine ebusuku.
Imuli yakhe ixotshe amapholisa emfeni isithi ifuna ukwazi okubulawa kwakhe ngoba kucatshangelwa ukuba amapholisa ayezama ukufihla isehlakalo lesi.
UMnu. Ryan Gambinga, sikhulumeli semuli kaCassandra, uthi bacine bevuma ukuyalondoloza umzimba wakhe ngemva kwesithembiso senkokheli yamapholisa sokuthii amapholisa azachwayisisa kakusha udaba lokudutshulwa kwendodana yabo.
“Sihlale phansi lamapholisa again for the second time ngoba besilembuzo ngokufa kwakhe ngemva kokubona isidumbu sakhe okwesibili ngengcazelo akade besinike yona izolo ibingahlangani ngoba thina besilensolo ngokufa kwakhe. Kadutshulwanga ngamasela. Bavumile namhla ukuthi udutshulwe ngephutha ngomunye wakhe asebenza laye. Kukhanya bebexabana bobabili.”
Amapholisa athi azaveza impumela yenhlolisiso yodaba lolu. Kasenelisanga ukuzwa okunengi ngodaba lolu ngoba isikhulumeli sabo, uCommissioner Paul Nyathi, ubengaphenduli umakhalekhukhwini. UCassandra Hove ubesebenzela abacuphi kuhlangothi lwabomama kuCriminal Investigation Department Lozikeyi Homicide Unit, utshiye abantwana abane njalo ubekhangelelwe ukubekwa emzini wakhe eMberengwa ngoMvulo.
Forum