Idale leHigh Court namuhla limise okwesikhatshana ukuhlolisiswa kwesicelo sentathelizindaba yephephandaba leNewsDay, uBlessed Mhlanga, esokuba ahlawule imali yesibambiso, i-bail.
Umahluleli uGibson Mandaza utshele inkantolo le ukuba uzabikela uMnu. Chris Mhike, igqwetha lika Mhlanga, ngafisa ukukwenza ngodaba lolu. UMandaza kakhulumanga ukuthi uzabuyela nini enkantolo ukuyakwethula isinqumo sakhe.
UMhlanga, osebenzela njalo umabonakude oweHeart and Soul TV, walelwe ngeviki ephelileyo ukubhadala imali yesibambiso.
Kuthiwa wethula imbiko ephehla udlakela kungxoxo azenza lelunga leZanu PF Central Committee, uMnu. Blessed Geza, okhokhela abanye abalwa impi yenkululeko abathi bafuna uMongameli Emmerson Mnangagwa esuke embusweni ngoba wehluleka ukubusa.
UGeza uphikisa njalo ukuba uMnangagwa ahlale embusweni kungafika umnyaka ka2028, okugqitshwa khona umbuso wakhe.
Kulabafuna ukuba aqhubeke esembusweni kuze kuyefika u2030.
Sixoxe ngokwenzakale edale leHigh Court loMhike othi kuyake kwenzakale ukuba umahluleli engabikeli inkantolo isikhathi losuku lokwethula isiqumo sakhe.
Forum