Kulendlala enkulu eZimbabwe ikakhulu eMatabeleland lapho abantu asebekhala ngokuswela ukudla njalo lokuncipha kwamadlela okwenza izifuyo zingasathengiseki ngemfanelo ngoba sezicakile.
Abaphila ngokuthengisa imbuzi lenkomo bathi sebezuza amakhulu amabili amadollar eMelika – US$200 kulokuthi bethole amakhulu amane kusiya amakhulu amahlanu bengathengisa inkomo eyodwa. Lokhu kwenza ukuba behluleke ukunakekela imuli zabo.
Inengi labo kalitholi ukudla okuholiswa nguhulumende owathembisa ukuthi uzaphandela uzulu ukudla ngesikhathi sendlala njalo uzalungisa amadamu okugcina amanzi kusenzelwa isikhathi kungani kahle izulu.
Inhlanganiso ezizimeleyo lazo azibonakali emaphandleni ngenxa yokwethuselwa nguhulumende osanda kuxotsha kwele Zimbabwe abanceda izikhamizi ngokudla abakuhlangothi lweMelika olubona ngenswelo zikazulu oweUSAID.
Abanye bakhala njalo ngokungayakhiwa amadamu eneleyo nguhulumende azakwenza kubelula ukuthi uzulu athole amanzi.
Okwamanje lohlelo lweZambezi Water Project kalukhanyi ukuba luyangaphi.
Ukuze sizwe ukuba kungaphathwa njani udaba lwesomo esinje lokunye okungehlela ilizwe ngokuya kwesikhathi, sixoxe loMnu. Mabutho Moyo olilunga lebandla leZanu PF njalo ongumlimi loMnu. Thabang Nare ingcwethi kwezentuthuko.
UMoyo uthi kunengi okuzanywa nguhulumende okokuphandela uzulu ukudla.
Kodwa uNare uthi akulalutho oluzaphuma kuhulumende ngoba umnotho wakwele Zimbabwe ubhidlika kakhulu ngakho-ke akulanhlelo ezingenzakala kusetshenziswa idollar elingelasisindo.
UMoyo uyakuvuma lokhu esithi kumele kulungiswe ezomnotho ukuze abantu bathole ukudla njalo kube lenhlelo zokuvikela uzulu ngesikhathi sendlala.
Forum