WASHINGTON DC - Ikhomishini ebona ngokuqhutshwa kokhetho, eyeZimbabwe Electoral Commission (ZEC), yazise ngoLwesithathu ukuthi amalungiselela ayo okhetho aphanjaniswa yikuphuza kukahulumende ukuyipha imali.
Umgcinisihlalo walikhomishini uNkosikazi Priscillar Chigumba utshele idale lephalamende ukuthi ngaphandle kwalokho, amanye amalungiselelo ahamba kuhle.
Kodwa amalunga edale lephalamende awamabandla aphikisayo akhonone ngokwala kweZEC ukuveza uluhlu lwabantu abazavota, olwe-electronic voters roll.
Sixoxe lobona ngenhlelo zokukhuthaza abantu ukuthi babhalisele ukuvota kunhlanganiso yeZimbabwe Christian Alliance uMnu Nqobizitha Donga, yena othi uhulumende kumele aphe iZEC imali eyaneleyo.
