WASHINGTON DC - Umkhokheli eCCC uMnu Nelson Chamisa ubeseBulilima, eMatabeleland South, ngoMgqibelo ukuyabonga abantu bakulumangano ngokuvotela amakhansila ebandla lakhe kukhetho lwamaby-elections oluqhutshwe ngoMpandula.
Ibandla leli linqobe eleZanu PF kuWard 1 lakuWard 16.
Ekhuluma lozulu wesigaba seTjankwa, khonale eBulilima, uMnu Chamisa usole kakhulu udlakela athi lubangelwa libandla leZanu PF.
Ukhuthaze abantu ukuthi bayevota ngobunengi kukhetho lomnyaka izayo ukuze kukhitshwe uMongameli Emmerson Mnangagwa lebandla lakhe embusweni.
Esuka eBulilima, uChamisa uhambe edolobheni lakoBulawayo lapho aqhube umhlangano labasekeli bakhe eMacdonald Hall ebakhuthaza labo ukuthi bayevota ngobunengi kukhetho oluzayo.
Ilunga leCCC uNkosazana Precious Ndlovu utshele iStudio 7 ukuthi uzulu weBulilima uthembise uChamisa ukuthi uzaphuma ngobunengi ayevota ngomnyaka ozayo.
UMongameli Mnangagwa yena ubeseLupane State University, eMatabeleland South, emkhosini wokuphothula kwamafundi abafika phose inkulungwane ezimbili.
Efika eJoshua Mqabuko Nkomo Airport koBulawayo, uMnangagwa uhlangabezwe ngamakhulu abasekeli beZanu PF abangamalunga okholo lwesiPostoli.
