WASHINGTON DC - Kuhlelo ‘Woza Friday’ sihamba lomculi kamaskandi, uSmile Sezintombi, yena osethule idlalade elitsha.
Lanxa linsizwa isike yethula amanye amadlalade ibambisane labanye abaculi, leli ngelakuqala elethule elilunga elizimeleyo.
“Elami igama lokuzalwa nguSmile Sibanda. Ekhaya ngibuya eTsholotsho, eSanqinyana,” kutsho umhlabeleli, yena ocula ekweleSouth Africa.
“Emculweni ngiqale nxa ngingaphambanisi ngo2013 loba nje kwasokukudala ngizama ngingakaze ngingene esitikini.”
Idlalade leli lilengoma ezilitshumi lambili ezigoqela ethi Senishela Kanjani, Umendo, Ukuhlehla Kwenqama, Ukuhlabelela kanye lethi Inxeba.
