KuWoza Friday liviki silo Simbarashe Kodzai, opheka njalo acula umdumo weHouse lengoma zokholo, owazakala ngegama lakhe lokucula elithi Afro Wave aka K.O.D.
Ucula ekoBulawayo uAfro Wave olesiphiwo sokupheka lokuhlanganisa iziginci ezitshiyeneyo ukuthi aphume lomculo ohlakazayo, yikho nje abancindezela ezomculo emazweni atshiyeneyo sebemcela ukuthi abaphekele imculo etshiyeneyo. Khumbuza abalaleli ukuthi uSimba ngubani kwezomculo.
"Ngibizwa ngokuthi KOD kumbe Afro Wave, ngisebenzela ngilapha koBulawayo. Sengisebenze kwezomculo imnyaka edlula elitshumi. NgisebenzE lomuyi uJoe Maseko eHouse of Rising Sound."
UAfro Wave uyaziphela imculo yonke encedisa labanye abaculi.
"Umculo ngiyazenzela njengoba ngirshilo ukuthi am a producer and sound engineer. Ngiyazenzela ngiphinde ngenzele labantu abahlukileyo. Ngincedisa abanengi ikakhulu abayenza igospel. Recently kule album elika pastor Barrack eliphumileyo elithiwa Mwavuma ,which is doing quite well on so many different platforms."
Imsebenzi kaKoD ikhwabithwe ngabama kampani ezomculo amanengi aphetsheya, sebemcela ukuthi abaphekele umculo.
"Mina owami umculo engiwenzayo ngenza umculo we House music ngisebenzisana lelinye irecord label okuthiwa yi Seres Producers elise Portugal yilo engisebenzisana lalo kakhulu and then kulelinye elise South Africa okuthwa yi Black Diamond music . Ngike ngakhipha lelithwa Open Bar music elise Newyork . Manengi amaprojects ,kh ulelinye okuthiwa yiMoving Deep elise UK."
Abaculi abanengi bakhala ngokuthi imculo yabahlabeleli bakoBulawayo ayithengwa, uKoD uthi yisimo somnotho elizweni njalo bayeyiswa.
USimbarashe Kodzai ule-studio ngakibo eGwabalanda lapho apheka imculo etshiyeneyo ephathisa labaculi abafuna ukucindezela eyabo imculo.