WASHINGTON DC - Intengo yamafutha ezimota ekhwele kabili buthumuthumu kusikhatshana esedluleyo isiyehlile.
Ugatsha lweZimbabwe Energy Regulatory Authority (ZERA) lwazise ukuthi kusukela namuhla, i-liter yephethulo ebisibiza US$1.67 isithengiswa ngeUS$1.59 kuthi idizili ebithengiswa ngeUS$1.68 isibiza US$1.60.
Lokhu kutsho ukuthi intengo yamafutha la yehle ngama-cents wMelika ayisitshiyangalombili, 8 cents.
Ngedola leZimbabwe i-liter yephetulo yehle isuka kuZ$216.78 yaya kuZ$213.90 kuthi idizili yona ebibiza Z$218.01 isithengiswa ngeZ$213.49.
Ukukhuphuka kwamafutha ezimota kubangele ukuthi abezitolo labo bakhuphule intengo yezinto ezinengi ezinengi.
